er sich verandert, selbsten machen, hergegen ihm der Vater, das ochs-
lein welches da furhanden lest, vnd wil im der Vater ein achtel bier
darzugeben, der vater dinget im aus bei seinem leben frei her-
berge, vnd frei essen vnd triencken, so gut als es keuffer mit den
seinigen geneusset, vnd darneben ein metzen eimer putter,
vnd wan er puttern lest, ein putterstrietzl eines groschens
werdt, Jtem sechs mandeln eier, vnd sechs mandeln kehse,
da fern sie sich aber nicht miteinander vernehmen konnen, das
er des tiesches entsetzet wurde, sol im keuffer alle Jar, sechs Vir-
tel korn. ein halben scheffel gersten, vnd ein Viertel weitze geben,
auch ein halben viertel eimer putter Jtem beineben den put-
terstrietzel kehse. vnd eier, wie oben vermeldet, Jm fahl auch
sich der Vater. wegen der herberge mit dem Sohne. nicht verneh-
men konte, das er sich zu einem andern kiende oder sonsten anders-
wo hin begebe, sol er ihm Jerlichen. einen thaler. bei seinem leben
fur die herberge geben, Wan er aber nach dem willen Gottes
todes halben abgehet, fallet solches ausgedinge, allen dem keifer,
oder den seinigen zu guth heim, Solchen kauf haben alle teil
geliebet, gelobet, vnd angenomben, auch mit muendt vnd handt
einander zuhalten versprochen, vnd zugesagt, Bein solchem
kauffe ist gewesen, auff verkeuffer teil, Gorge Rietter vnd
aufs keuffers teil, Mathes hermen, vnd ist solcher kauff in
Gerichten, fur hans Otten dem scholtzen (welcher auch ge-
melten kauff, an stadt vnser Wolgebornen, genedigen Erbherr-
schaft verschrieben wurden,

[1087] Anno 1601 zu Ostern, leget keuffer, Jacob Sommer. fur or(-)
dentlichen geriechten, seinem kauffe nach ein hundert marck,
daraus dem ordentlichen Contract nach, ist zugezehlet wurden,
als frau dorothea, achtzehen marck, Jtem Christoff Vogdten
achtzehen marck, dan Jacob Sommern dem keuffern
zugerechnet achtzehen marck, der Vater draus auch be-